AIOU نے اسکالرشپ پروگرام دوبارہ دینے کا اعلان کردیا
اسلام آباد: علامہ اقبال اوپن یونیورسٹی (AIOU) نے امریکی قونصلیٹ کے تعاون سے گوجرانوالہ ریجن میں انگلش ایکسس مائیکرو اسکالرشپ پروگرام کا دوبارہ آغاز کیا ہے ۔
اس اقدام کا مقصد زبان کی تعلیم کے ذریعے نوجوانوں کو تعلیم اور روزگار کے مواقع تک رسائی فراہم کرنا ہے ۔
پروگرام کوآرڈینیٹر، ڈاکٹر سائرہ مقبول کے مطابق، اس 2 سالہ انگلش ایکسیس مائیکرو اسکالرشپ پروگرام کو لاہور میں امریکی قونصلیٹ کی جانب سے فنڈز فراہم کیے گئے ہیں۔
AIOU نے اپنے پہلے بیچ کے کامیاب اختتام کے بعد دوبارہ اس پروگرام کی پیشکش کی ہے۔
800 فارم موصول ہوئے اور 50 لڑکیوں اور 50 لڑکوں سمیت 100 طلباء کو تحریری امتحان اور انٹرویو کے بعد منتخب کیا گیا۔
یہ پروگرام گوجرانوالہ کے طلباء کے لیے پیش کیا جاتا ہے۔
یونیورسٹی کے ریجنل کیمپس گوجرانوالہ میں ہفتے میں تین بار اسکول کے اوقات کے بعد کلاسز ہوں گی۔
پروگرام مفت ہے اور اس کورس کی تکمیل کے بعد طلباء کو یو ایس سرٹیفیکیشن ملے گا۔
وائس چانسلر پروفیسر ڈاکٹر ضیاء القیوم کی منظوری کے مطابق منتخب طلبہ کے لیے تعلیمی مقاصد کے لیے 100 ٹیبلٹس خریدے گئے ہیں۔
انہوں نے امید ظاہر کی کہ انگلش ایکسیس مائیکرو اسکالرشپ پروگرام نئی نسل کی اعلیٰ تعلیم میں مقابلہ کرنے اور حصہ لینے کی صلاحیت کو اجاگر کرے گا۔
Aiou Scholarship Application form download
ریجنل ڈائریکٹر گوجرانوالہ کیمپس AIOU ، ڈاکٹر قیصر کاظمی نے ڈاکٹر محمد اقبال، ڈائریکٹر لینگویج پروگرام، یو ایس قونصلیٹ، اور پروگرام کوآرڈینیٹرز ، ڈاکٹر سائرہ مقبول اور ثمینہ رانا کو خوش آمدید کہا جنہوں نے منتخب طلباء کو پروگرام کے بارے میں تفصیلی بریفنگ دینے کے لیے ریجنل کیمپس کا دورہ کیا۔